كيف اتجنب الوقوع فى فخ الفقر ! ؟
إنّ محاولة تقليد
الأغنياء هو ما يزيد الفقراء فقرا
ببساطة لكي لا تسقط في فخّ الفقر
القاعدة هي
اجعل مستواك الاجتماعي اقل من مستواك المالي .. يعني ايه : يعني لو فلوسك تركّبك عربية مرسيدس
اركب باسات .....لو فلوسك تركبك باسات ... اركب تويوتا .... لو فلوسك تركبك تويوتا
اركب فيرنا ... لو فلوسك تركبك فيرنا ... اركب تاكسي ... .. لو فلوسك تركبك تاكسي ... اركب مواصلات
لو فلوسك تركبك مواصلات ... امشي
فيه حاجة اسمها
الحرية المالية
ودي غير الغني ... الغني ان يكون معاك فلوس كتير لكن
معظم الاغنياء ليسوا احرارا ماليا ... الحرية المالية هي ان يكون معك مدخرات
تسمح لك بان تعمل او لا تعمل - حسب مزاجك ... فحين تعمل وقتها تكون تعمل لمجرد حب العمل
تخيل واحد بيكسب في الشهر مليون جنيه ... ايه رايك ؟!
هل ده حقق الحرية
المالية ؟
مبدئيا هو حقق الغني ... لكن نقطة الحرية المالية دي محتاجة سؤال تاني
الا وهو ... الشخص ده بيصرف كام في الشهر
لو كان بيصرف مليون جنيه ... يبقي غني ايوه
لكنه ليس حر ماليا .... لانه لو خد اسبوع اجازة من الشغل
هيبقي بيكسب 750 الف جنيه ... بينما هوا بيصرف مليون
 |
| الحريه الماليه |
يبقي هيستلف 250 الف ... عشان كده ما تستغربش
لما تلاقي واحد
كسب مليون جنيه في مسابقة مثلا
وبعد سنة تلاقيه بيشحت ... عادي جدا
الفكرة ليست في كم تتحصل عليه من مال ... ولكن في كم يمكنك الادخار منه
وهنا يدخل الناس في مصيدة ... زيادة النفقات مقابل زيادة الدخل
كان بيكسب الف ويصرف الف ... بقي بيكسب 10 الاف ويصرف 10 الاف
بقي بيكسب مليون ويصرف مليون ... كل واحد من دول عبد للمال
لم يصل بعد للحرية المالية ... وشبكة العنكبوت المالية قوية جدا ومخادعة جدا
يمكنها السيطرة علي كائن من كان رغم ذكائه ... ولذلك اضع بين يديك هذه القاعدة البسيطة
اجعل مستواك الاجتماعي اقل من مستواك المالي ... لما انتا موظف غلبان - شايل موبايل تاتش ليه ؟
لما انتا موظف
متوسط - شايل ايفون ليه ؟
لما انتا معاك
موبايل سامسونج - بتشتري الجديد ليه ؟
هذه مصيدة الوضع الاجتماعي ... التي تجعلنا دائما ندور داخل دوامة العمل
اذن .... هل تقصد ان نكون بخلاء .... بالطبع لا
البخيل لا ينفق اساسا - بغض النظر عن الدخل ... ولكن العاقل هو من ينفق بقدر اقل من دخله
فيحدث عنده ادخار ... فيه حديث اسمه حديث السحابة
"كان ياما كان ان حد كان ماشي في مكان قاحل ..وبعدين لقي سحابة جات فوق حديقة شخص ما وامطرت عليها فقط ....فالراجل راح لصاحب الحديقة دي وساله انتا بتعمل ايه ؟ ... قال له ولا حاجة الوضوع ببساطة ان اللي بيجيلي من الحديقة بقسمه ثلاثة اقسام"
ثلث اتصدق به ... وثلث انفقه علي اهلي ... وثلث ارده في الحديقة - وده اسمه ارباح استثمارية
يعني بياخد من الربح ويدخله في راس المال تاني فيكبر .... فحضرتك المفروض تصرف ثلث ما تربحه فقط
هتقول لي طب ما كده عمري ما هشتري المرسيدس ... لا بردو اشتري المرسيدس لما يكون تمنها اقل من مستواك المالي .... لما يكون مستواك المالي يخليك تشتري رولز رويس
ساعتها اشتري المرسيدس ... ما تفكرش في الغني ... فكر في الحرية المالية ما تفكرش تكسب اكتر .... فكر انك تدخر اكتر .... بحيث انك تبقي رايح الشغل لمجرد حبك للشغل
لكن تخيل واحد بيكسب في الشهر مليون جنيه ... وبيصرف مليون جنيه
هيبقي رايح الشغل ..... بنفس شعور الموظف الدرجة العاشرة
في ارشيف مجمع التحرير ..... قايم من النوم مضروب علي بوزه ستين جزمة
لانه لو ما راحش الشغل النهارده مش هيقدر يدفع فواتيره ... اي نعم فواتيره بتبقي اشتراكات في نوادي وسباهات
واقساط عربيات بي ام و و و .... لكنها في النهاية فواتير
لو ما التزمش بيها هتحصل له مشاكل .... عشان كده ما تعتبرش الغني بيكذب
لما يقول لك انه مش مستريح .... هوا فعلا مش مستريح مش لانه فقير - ولكن لانه ليس حر ماليا ممكن حد يقول اني اقصد جملة (عيش عيشة اهلك )
يا فندم لا عيش اقل من عيشة اهلك انتا لو عشت عيشة اهلك هتفضل طول عمرك فقير
هتجيب نعيش زي اهلك وهتجيب صالون مدهب زي اهلك
وهتجيب تليفزيون 359787 بوصة زي اهلك وهتتدين زي اهلك
وهتشيل الهم زي اهلك وهيبقي عندك 60 سنة وما حققتش حلمك
زي اهلك اكسر الدايرة المغلقة دي انا معاي موبايل سامسونج بيقول الو من حوالي 4 سنين ما غيرتوش وعربيتي عاوزة تتغير من سنتين ما غيرتهاش
مع العلم اني اقدر اغير الموبايل والعربية لكن - مش ده الصح
ويوم ما هغير لازم يبقي معايا فلوس اكتر من اللي هاصرفها علي التغيير
عشان كده انا عمري ما فكرت ان الحل هو اننا نزود المرتبات
طب افرض زودناها اقول لك افرض ضاعفناها
هل الموظفين حالهم
هيتحسن ؟!
اطلاقا
اللي كان بيتعشي فول وطعمية هيتعشي جبنة رومي وزاتون اسود واللي كان بيصيف في جمصة هيصيف في شرم واللي كان بيلبس قميص وبنطلون هيلبس بدلة واللي كان بيشرب سحلب هيشرب فراباتشينو واللي كان بيركب مترو هيركب تاكسي وبعدين هيرجعوا يطلبوا زيادة المرتبات عشان المرتب ما بيكفيش
وصدقني عمره ما هيكفي الفكرة مش في ان مرتبك قليل الفكرة ان مصاريفك كتير سؤال اخير عشان انا طولت عليكم
هل انتا تقصد ان العيب في الشعب وهما اللي مبذرين و و و تقصد كلام لميس الحديدي يعني لا خالص
انا بردو زي ما اعرف مبدا مصيدة الانفاق اعرف مبدا الرفاهية الاقتصادية لكن بوجه كلامي ليك انت لان انت اللي قدامي دي مشكلتك انتا وانا بحاول اقول لك انتا تحلها ازاي