الذكاء الاجتماعى

اسمى نسمه يوسف خريجه تجاره قسم تأمين مواليد ١٦ سبتمبر ١٩٨٤ اول ما اتخرجت اشتغلت فى مجال التأمين ولكن لظروف البيت والاولاد قعدت فى البيت وبعد وفاه والدتى قررت انى اشغل نفسى وانا كنت بحب شغل الهاند ميد جدا فبدأت أتعلم من الصفر خالص مع بنوته جميله كده بس للاسف الفينش مكنش حلو خالص وكان ناقصنى 

 أتعلم حاجات كتير فصممت انى لازم اتعلم وبقيت انزل الازهر واشترى خامات واسأل الناس هناك اللى بتبيع الخامات واتعلمت منهم حاجات وبدأت انفذها فى البيت والحمد لله عملت موديلات جميله جدا وعجبت الناس وبدأت اطور من نفسي واخدت كورس فى شغل النحاس

 

 وبفضل الله عملت جروب على الفيس وصفحه ليا انشر فيها منتجاتى ولاقت اعجاب من الكثيرين وبدأت اشحن للقاهره وللمحافظات اتشحن دولى كمان لدول عربيه ووزعت لمحلات وكنت بدى كورسات تعليميه للاطفال و للكبار وبدأت اعمل قناه تعليميه على اليوتيوب اعلم فيها صناعه الاكسسوارات بطريقه محترفه وسهله وبسيطه للناس والحمد لله المشروع ناجح جدا ومبسوطه انى بشغل وقتى فى حاجه مفيده

 

 نساء مضوا قدما  قصص تبعث الالهام لكل النساء